FALLEG HEIMILI

Ég rakst á virkilega áhugaverða grein á netinu sem má finna með því að ýta á myndina hér til hliðar. Þar er fjallað um skoðanir nútíma heimspekingsins Alain de Botton á innanhússhönnun. Þar kemur fram að eitt það mikilvægasta sem við gerum í lífinu er að skapa heimili. Við leggjum vinnu í það að finna nákvæmlega réttu hlutina sem munu henta sem best á heimili okkar. Þar sem heimili okkar eru kannski ekki stórfenglegasti staður sem við munum fara á en til að mynda þegar við erum búin að vera lengi í burtu frá heimili okkar eins og til dæmis í útlöndum, þá finnum við fyrir þeirri þörf að komast aftur heim. En það er vegna þess að heimili okkar hjálpa okkur að muna hver við sjálf erum þar sem þau fela í sér okkar andlegu gildi og eiginleika. Því eigum við til að leggja okkur mikið fram við það að finna nákvæmlega réttu hlutina inn á heimili okkar sem geta miðlað réttum skilaboðum um okkur sjálf. Þegar við finnum þessa réttu hluti minna þeir á þá eiginleika sem við hrífumst að, styðja og ýta undir mikilvæga eiginleika í okkur, uppörva okkur og veit okkur áminningu og huggun.