FALLEG HEIMILI

Borðstofuborð

Það fer svolítið eftir rýminu hvaða borðstofuborð er valið. Sumir eru með sérstaka borðstofu en aðrir eru með borðstofuborðið í einhverskonar alrými sem samanstendur kannski af stofu og eldhúsi líka. Ég tel fólk vera farið að borða oftar við borðstofuborðið heldur en áður fyrr borðaði fólk oftar við eldhúsborð inni í eldhúsi. Sem mér finnst einmitt frábær þróun. Ef maður er með einhverja tiltekna borðstofu finnst mér mjög flott að hafa stórt og ferkantað borð ef pláss leyfir. Sumum finnst síðan skemmtilegra að hafa þau hringlaga þar sem maður sér betur framan í alla. En þau henta einnig betur í minni rýmum og þar sem þarf að vera meira flæði.