FALLEG HEIMILI

Algengast er nú að vera með fataskápa en það eru aðrar leiðir til þess að geyma fötin. Þeir sem hafa aðstöðu til eru gjarnan með fataherbergi eða fatarými. Þetta er náttúrulega algjör lúxus en ef það er ekki rými til þess en maður vill samt eitthvað öðruvísi en venjulega lokaða fataskápa eða hefur jafnvel ekki einu sinni rými til þess að hafa fataskápa. Þá er rosalega sniðugt að vera með fötin á hillum og slám og jafnvel setja upp gardínur til þess að draga fyrir. Einnig ef að herbergið er kannski svolítið ílangt eða það er eitthvað rými í því sem er ekki vel nýtt er sniðugt að láta fataskáp snúa að vegg eða tvo fataskápa í áttina að hvor öðrum þannig það myndist einskonar fatarými.